Qazaqstan Prezıdenti Nursultan Nazarbaev Konstıtýsııalyq keńeske bergen ótinishine qatysty málimdeme jasady.
«Konstıtýsııalyq keńeske bergen ótinishime baılanysty qysqa ǵana jaýap qaıtarǵym keledi. 1995 jyldan beri, ıaǵnı Konstıtýsııa qabyldanǵaly beri Konstıtýsııalyq keńeske 200 ótinish kelip túsken. Olardyń 22-si - meniń prezıdenttik ótinishterim. Bul - qalypty prosess. Konstıtýsııalyq keńes te sol úshin qurylǵan. Keńestegilerdiń Konstıtýsııadaǵy, zańdardaǵy kemshilikterdi talqylaýǵa quqyǵy bar. Árıne, bul barlyǵy úshin qyzyq... Eń qyzyq degen suraqtar - saılaý, tranzıt. Konstıtýsııany oqyńyzdar, Prezıdent jaıly zańdardy oqyńyzdar. Onda barlyǵy naqty kórsetilgen. Merzim kelgende saılaý ótedi. Iá, Konstıtýsııa boıynsha Prezıdenttiń merziminen buryn saılaý ótkizýge quqyǵy bar. Biraq bizde olaı bolmaıdy. Tynyshtalyp, durys jumys isteıik» dedi Memleket basshysy vıdeomaterıalda.
Eske sala keteıik, buǵan deıin Konstıtýsııalyq keńestiń Prezıdenttiń ótinishin qabyldaǵany jaıly habarlanǵan bolatyn. «Qazaqstan Respýblıkasynyń Konstıtýsııalyq keńesi týraly» Konstıtýsııalyq zańyna sáıkes, atalǵan ótinishti Konstıtýsııalyq keńestiń otyrysynda qaraý úshin qajetti materıaldardy daıyndaý jumysy júrgizilýde.